الله ولا الهاجس اللـي مايريحنـي
أسهر .. عيوني وعنانـي وعنيتـه
أحاول أخفيه مير الحزن يفضحنـي
متمركزٍ بالحشا كـن الحشـا بيتـه
ياللي تعاتب غموضي لاتوضحنـي
ماباقـيٍ فالخـفـوق إلا تناهيـتـه
أصافح الهم قبـل أنـه يصافحنـي
وأحب خشمـه وأردد فالخفـا ليتـه
ليته قبل لاتزل أخطـاي ينصحنـي
ولا يريح خفوقـي مـن عفاريتـه
والغالي اللي عليه الشـوق ذابحنـي
أقفى به الوقت ماجانـي ولا جيتـه
ياسيد الغيد قبل أقـول لـك بحنـي
بخبرك عـن كـلامً عنـك خفيتـه
تدري وِش أكبر خطاي الله يسامحني
أقفايتي عنك وأنت اللـي تمنيتـه..!
وهذا هو اللي معذبنـي وجارحنـي
أقـول أبنسـاه وأنـا ماتناسيـتـه

الشاعر تركي الميزاني


مماراق لي
تحياتي:
همــس

تــدري وش اللي يجرح القلب جرحيــــن
ويمـــد حبــــل الحـــزن فيـــك ويشــــــده

انـــك تناظــر طفــل مـن غيـــر ابويــــن
يمشــــي ودمعــــة سايــل فـــوق خــــــده

منظــر صعيـب ويقســـم القلب قسميـــــن
لا قــام يمســــح دمعـــــة بكــــف يـــــــده

يمشـي ولا يــدري طريقــة علـى ويـــــن
ليــن التعـــــب من كثـــر ماتــــاه هـــــده

اثقـــل حـــروف يشيلـهـا فـيـــه حرفيــــن
لا أب يــــــدري بــــــــه ولا أم تـــــــرده

في خطوتــه رحلـــة ودمعـــة وسـكيـــــن
وحــــــظ توســــد بالمــراســـي مـخـــــده

جيــت اسألـة باللـه قـللــي ولــد ميـــن ؟؟
وبغــى يجــاوب .. واختنــق صــوت رده

أنـــا يتيـــــم ومــا لدربــــي عنــاويــــــن
وجــــزر الحـــزن فينــي يســـاوي لمـــده

وطعــم الطفولــــة ما عرفتـه لهـا لحيــــن
وثــوب السعــــادة صـــرت مانيـب قــــده

ابكــي إلـــى من شفت غيــري سعيديــــن
ليـــن البكــــــا فينــــي يوصـــــل لحـــده

واقفـــى ورحت امسح دموعي من العين
وعينـــــي تناظــــر دمعتـــه فـــوق خــده

وهذا اللـــي يجـــرح القلــــب جرحيــــن
ويمــد حبـــل الحــــزن غصـب ويشــــده

منقووول
تحياتي:
همــس

نزعل و نتكبر وحنا من الطين
والكل منا صد لاأقبل خويه
نفخر ونقول أنا على الصد قاوين
وهي علينا في الحقيقه قويه
نشفق على الطيبه وكسب الكريمين
وهي بنا لاشك فعله رديه
ننسى نهايتنا و على وين ماشين
وننسى الزمان اللي جمعنا سويه
المشكله ماهي بحاجه لتخمين
ولاهي بعد ياناس صعبه القضيه
دق الرقم كيفك هلا فيك و أهلين
أنا الخوي اللي مزعل خويه
قل له تغيب وصورتك داخل العين
و يبقى لحبك في خفوقي بقيه
أخوان حنا لو يجي بيننا شين
وما نفنرق دام المحبه نديه
خلك قوي لا تحتكرك الشياطين
قبل الفوات و قبل وقت المنيه
كلم خويك باطيب الهرج و اللين
وعرف جميل الهرج يمسح رديه
هذي هي الدنيا من اللحين للحين
لابد تحصل بين الناس خطيه
ومن لا يقدر غلطة أحبابه اللحين
يقرأ حروفي و يعتبرها هديه
بكر تمر سنين و سنين و سنين
و الكل يرحل في الدروب المديه
صدقني تندم و أذكر حروفنا زين
تندم على خلك إذا غاب ضيه
دنيا غريبه و أكثر الناس ماشين
و كم صاحب و الله دفنته بيديه

منقووووول
اتنمى انها اعجبتكم
في انتظار ردودكم

لسعة شقاوهـ.